(A Coruña, 26/03/2011).- O Consello Evanxélico de Galicia (CEG) convida a participar o próximo sábado, 2 de abril a este evento a todas as familias denominacionais do pobo evanxélico.  Na convocatoria deste  ano 2011, o equipo coordinador de España  Oramos por ti, optou por realizalo simultaneamente nas 52 provincias de España.

En Galicia están previstos, catro encontros  á mesma hora en cada unha  da provincias galegas. A duración será aproximadamente  de dúas horas.  O desenvolvemento do programa de España Oramos por ti dará comezo  ás 19:00 horas e tamén comezará a esa mesma hora en todas as provincias do territorio nacional.

NA CORUÑA:  O encontro celebrarase na Universidade Laboral (I.E.S. Cruceiro Baleares), situada no Burgo- Acea da ama s/n. Culleredo  (A Coruña).

LUGO: Será na Igrexa Evanxélica da rúa Emilia Pardo Bazán, 4-6 Baixo (a  carón da Capela de San Roque).

OURENSE: O encontró terá lugar na Igrexa Evanxélica- Asembleas de Diaz, sita na Avda. Buenos Aires nº  206, Ourense.

PONTEVEDRA: Celebrarase na cidade de  VIGO. Na Igrexa de HOREB, Carretera Lameiro, 44 (VEDIGA) Vigo.

O CEG súmase ás declaracións do equipo de España Oramos por ti,  de afastarse dos nacionalismos, partidismos ou denominacionalismos. De ser así perdería a esencia principal desta convocatoria procurando non centrar en ningún grupo ou denominación concreta calquera protagonismo.  A idea parte de presentar ao pobo evanxélico de España unido en oración. Por iso,  esta iniciativa non tratará de destacar  a ninguén en particular crendo que a forza e o sentido da mesma reside na suma de todos os que participen.

O CEG tamén anima a participar con bandeiras ou pancartas alusivas ao evento, creando un ambiente alegre e cheo de colorido. Pídese ás igrexas que asistan e que inviten a toda a congregación en pleno convidándoas a estar presentes promovendo a unidade de todo o Corpo de Cristo na zona.

En España,  os Consellos Evanxélicos das distintas Comunidades Autónomas  serán  os encargados da organización do acto para que se desenvolva na maioría das provincias, noutros casos tamén se delegou en Fraternidades ou  Comités  locais  ou provinciais, concretamente en Galicia no CEG considerouse a posibilidade de formar comités  provinciais.

MOTIVOS PRINCIPAIS DE ORACIÓN (resumo)

A familia.
Igrexa de España, e os seus ministros e ministerios.
O Goberno de España e os seus políticos.
A  FEREDE e as negociacións co Goberno.
Po la Inmigración.
Pola estabilidade social.
Polo futuro de España.
Por abrir novas igrexas e ministerios.

Este ano o evento dividirase entre participacións locais e nacionais, tamén está previsto que se seccionen as peticións de oración entre os intervintes locais e o nacionais. A medida que se acerca  a data do evento, o reparto peticións de oración farase de xeito máis concreto.

A Coruña, 26 de marzo de 2011

Máis información na páxina web:     http://www.espanaoramosporti.es/