(A Coruña, 26/03/2011).- O Consello Evanxélico de Galicia (CEG) convida a participar o próximo sábado, 2 de abril a este evento a todas as familias denominacionais do pobo evanxélico.  Na convocatoria deste  ano 2011, o equipo coordinador de España  Oramos por ti, optou por realizalo simultaneamente nas 52 provincias de España.

En Galicia están previstos, catro encontros  á mesma hora en cada unha  da provincias galegas. A duración será aproximadamente  de dúas horas.  O desenvolvemento do programa de España Oramos por ti dará comezo  ás 19:00 horas e tamén comezará a esa mesma hora en todas as provincias do territorio nacional.

NA CORUÑA:  O encontro celebrarase na Universidade Laboral (I.E.S. Cruceiro Baleares), situada no Burgo- Acea da ama s/n. Culleredo  (A Coruña).

LUGO: Será na Igrexa Evanxélica da rúa Emilia Pardo Bazán, 4-6 Baixo (a  carón da Capela de San Roque).

OURENSE: O encontró terá lugar na Igrexa Evanxélica- Asembleas de Diaz, sita na Avda. Buenos Aires nº  206, Ourense.

PONTEVEDRA: Celebrarase na cidade de  VIGO. Na Igrexa de HOREB, Carretera Lameiro, 44 (VEDIGA) Vigo.

(Santiago, 25/03/2011).- Un ano máis o Consello Evanxélico de Galicia (CEG) celebrou a asemblea anual o pasado  sábado día 12 de marzo de 2011, na Ramallosa, Concello de Teo, preto de Santiago de Compostela no local da Igrexa de Asembleas de Hermanos de Teo, ao cal estaban convocadas todas as igrexas membros deste organismo.

Na quenda de maña tivo lugar a reunión da Xunta do CEG e na quenda de tarde celebrouse a xuntanza da asemblea xeral anual. A asemblea xeral  comezou cun breve devocional por parte do presidente saínte, Miguel Vilas, representante das Asambleas de Dios no CEG. Posteriormente deuse paso a aprobación da acta anterior para continuar coa lectura dos informes do presidente, secretario executivo, tesourería, así coma das consellerías e a súa posterior aprobación  en todo aquilo que procedía.  Asumindo unha  longa orde do día con moitos e importantes puntos a tratar, os membros do CEG aprobaron tamén varios proxectos aos que con ilusión pretende facerlle fronte.

Este ano tamén tivo lugar a renovación  de varios cargos que se elixen segundo os estatutos do CEG por períodos de dous ou catro anos segundo as responsabilidades correspondentes. Así  pois, nesta xuntanza procedeuse  á renovación de varios cargos, entre eles cabe destacar o da presidencia do CEG e a do secretario executivo. A presidencia é un cargo rotativo que nesta ocasión recaeu na denominación das Asembleas de Hermanos,  saíndo elixido  como presidente Timoteo Figueirido Woodford, representante do CEG desta denominación e actual pastor da Igrexa Evanxélica de Asambleas de Hermanos de A Coruña.  En canto a secretaría executiva,  estará a cargo do actual secretario executivo, David Rego quen voltou presentar  a súa candidatura  para un novo período de catro anos, saíndo elixido e apoiado por ampla maioría na renovación desta responsabilidade. Para  desenvolver a labor nalgunha consellería, como por exemplo a  para Xuventude tamén se presentaron candidatos quedando pendentes de cubrirse outras.

Santiago, 25 de marzo de 2011

Convocatoria sobre un encontro Galego en Santiago para explicar o proxecto “Mi esperanza”

(Santiago, 23/03/2011).- O Consello Evanxélico de Galicia (CEG) quere convidar a todos os pastores, anciáns e líderes de igrexas de Galicia a unha xuntanza informativa sobre o Proxecto “Mi Esperanza”.  A iniciativa deste proxecto é da asociación Billy Graham, en acordo coa FEREDE (Federación de Institucións Evanxélicas de España) así como con outras institucións evanxélicas.

A xuntanza terá lugar o xoves, 24 de marzo na cidade de Santiago de Compostela, ás 18:00 horas na Igrexa Evanxélica do Centro Cristiano, sita na rúa do Horreo, nº 87.

Pola súa parte o CEG, como órgano da FEREDE en Galicia, quere manifestar o seu apoio explícito e inequívoco a este proxecto evanxelístico que se desenvolverá en España no próximo mes de decembro deste ano 2011.

Para a exposición deste proxecto ás igrexas de Galicia contarase coa presenza de Oscar Tesone, coordinador rexional do Proxecto “Mi esperanza”, así como co coordinador nacional  e un representante da asociación Billy Graham.

O CEG agrace o esforzo feito ao equipo de “Mi esperanza” por achegarse ata Santiago para dar a coñecer máis fondamente este proxecto.

A Coruña 01.03.2011.- O Consello Evanxélico de Galicia, (CEG) acadou un acordo co SERGAS co propósito de dar asistencia relixiosa evanxélica (protestante) a doentes nos hospitais da sanidade pública galega.  O pasado sábado 25 de febreiro ás 12:00 horas  tivo lugar a Inauguración oficial do Hospital HULA (Hospital Universitario Lucus Agusti), a esta inauguración asistiu o secretario executivo do CEG, David Rego, quen valorou este feito como positivo e no camiño do acerto.

É o primeiro hospital que se inaugura en Galicia e tamén en España que contará nas súas instalacións cunha capela interconfesional, onde os protestantes compartirán o seu uso por primeira vez en igualdade de condicións cos católicos.

(A Coruña, 17.12.2010).- El Coro Evangélico de Marín participará en el Festival Navideño en la Ciudad de A Coruña tras una larga trayectoria de 42 años de actuaciones. El Festival Navideño tendrá lugar en el Auditorio del Conservatorio Superior de Música de A Coruña (Calle Manuel Murgía nº 44 - al lado del Instituto Agra II -) el sábado, 18 de diciembre de 2010 a las 19:00 horas. Este acto está organizado por la Asociación de Pastores Evangélicos de A Coruña en colaboración el mencionado Conservatorio Superior de Música de la Consellería de Educación. La entrada será libre.

La excelente calidad y nivel artístico que ofrece este coro llega a la Coruña ofreciendo un recorrido marcado por diferentes estilos musicales, destacando de manera especial en el ámbito de los estilos espirituales. Su dedicación y trayectoria que comprende entre otros, un variado repertorio de típicos y tradicionales modos que hacen alusión a la época de la Reforma Protestante. También un incluye hermosas versiones de clásicos navideños. Es un coro aficionado, inter-generacional, inter-racial, inter-cultural formado por más de medio centenar de voces que han logrado incluso traspasar las fronteras de España además de participar en algún programa de RTVG y TVE.

A Coruña, 17 de diciembre de 2010

Comunicación CEG