A I Xuntanza cos evanxélicos vaise celebrar o próximo 18 de setembro de 2010 na Carballeira de Santa Susana (Alameda) en Santiago de Compostela. A esta xuntanza están convidados todos os evanxélicos de Galicia así como todas aquelas persoas que desexen coñecer o traballo que dende anos veñen desenvolvendo. Para iso estarán presentes en,

Lugar: Carballeira de Santa Susana,(Alameda) SANTIAGO DE COMPOSTELA.

Data: 18 de Setembro de 2010.

Horario: 10:00 da mañá ata 23:00 horas.

Nesta xuntanta porase a disposición das ONGs, previa solicitude, un espazo para a exposición do seu traballo e difusión dos seus fins para aquelas que así o desexen.

Un dos obxectivos desta I Xuntanza cos evanxélicos é mostrar á sociedade en xeral, o traballo, na  maioría da veces calado, que moitos crentes evanxélicos desenvolven no ámbito social e tamén no terreo cultural.

Dende a constitución do Consello Evanxélico de Galicia, este propuxo como un dos seus fins, traballar para que as igrexas de Galicia e os evanxélicos galegos, puidesen chegar a ser percibidos máis e mellor polo resto da sociedade, á cal como crentes, queren servir e bendicir. Dente entón, foron moitas as iniciativas que con maior ou menor éxito, vén desenvolvendo. A I Xuntanza cos evanxélicos pretende ser unha actividade, se Deus o permite, que se repetirá periodicamente variando tan só a ubicación da mesma, e cuxo obxectivo fundamental é transmitir unha imaxe cercana, de normalidade e de utilidade dos evanxélicos galegos. Busca rachar coas ideas equivocadas e esterotipadas e presentar unha imaxe real de quen é o pobo evanxélico cara a sociedade galega.